Bundesliga merr vendim për rikthimin e fansave nëpër stadiume

Bundesliga është gati të hapë dyert për spektatorët, duke nisur që të premten në rastin e sfidës mes Bayern Mynih e Schalke 04.

Qeveria gjermane, sipas asaj që bën të ditur e përditshmja Kicker, ka sqaruar rregullat uniformë për rikthimin e tifozëve në stadiume sipas një akordi të dhënë për gjashtë javë provë gjatë së cilës impiantet mund të plotësohen deri në një maksimum prej 20% të kapacitetit të tyre. Situata do të rivlerësohet më pas në fund të tetorit.

Kështu, është ende shumë herët për të parë ‘Murin e Verdhë’ të Dortmund, por jo për ti thënë lamtumirë tifozëve të kartonit që kishin zënë shkallët e e stadiumeve në fundjavat post-lockdown: “Duhet të jetë një lloj eksperimenti, një fillim prove”, ka njoftuar Kryeministri i Bavarisë Markus Söder (CSU).

Në fakt, në këtë periudhë do të vlerësohen indekset e infektimit në mënyrë që të parashikohen kufizime të reja nëse tejkalohet një prag i caktuar.

Vendimet e pavarura të disa Landeve kishin lejuar që publiku të kthehej për të mbushur tribunat për disa ndeshje të Kupës së Gjermanisë, duke përfshirë një Hans Rostock-Stuttgart të shumëpërfolur, me 7,500 spektatorë pa asnjë lloj distancimi në disa sektorë.

Përveç kësaj, katër klube të Bundesligës tashmë kishin marrë dritën jeshile nga autoritetet përkatëse shëndetësore për të filluar sezonin e kampionatit me spektatorë. 8,500 spektatorë do të jenë prezentë në ndeshjet e Werder Bremen kundër Hertha dhe Leipzig kundër Mainz (që korrespondon në të dy rastet me afërsisht 20% të kapacitetit të stadiumit).

Eintracht Frankfurt kishte marrë aprovimin për 6,500 tifozë kundër Arminia Bielefeld dhe Union Berlin për 5,000 kundër Augsburg. Tani ka mbërritur edhe protokolli i përbashkët, i cili do të lejojë të gjitha klubet të përqafojnë, të paktën pjesërisht, tifozët e tyre.