7 orë më parëAntikja “Dardanët” vs. “Helenët”: Greqia vlen vetëm 1 milionë më shumë se Kosova, i mungon lojtari më i shtrenjtë
Periskopi(6 vite më parë)
(6 vite më parë)Kombëtarja e Kosovës në futboll, kategoria e burrave, do të luajë sonte kundër Kombëtares së Greqisë në futboll, kategoria e burrave, në ndeshjen e dytë në kuadër të Ligës së Kombeve (jo përfaqësueseve). Por, cila është vlera e këtyre dy kombëtareve? Ndërsa pesha e ‘dardanëve’ në treg – gjithnjë sipas Transfermarkt – është 69 milionë […]
Ndërsa pesha e ‘dardanëve’ në treg – gjithnjë sipas Transfermarkt – është 69 milionë e 130 mijë euro, ajo e ‘helenëve’ është 70 milionë e 400 mijë. Kjo nënkupton që dallimi mes dy ekipeve (Greqia me një lojtar më shumë të numëruar) është saktësisht 1 milion e 270 mijë euro.
Për fat të keq, Kosovës në këtë ndeshje do t’i mungojnë një numër futbollistësh që nuk kanë marrë leje për të luajtur në të dy ndeshjet e Ligës së Kombeve (jo Përfaqësueseve), përcjell Periskopi. Sidoqoftë, dallimi mbetet i vogël.
Dhe lajmi më i mirë është se ‘helenëve’ në këtë ndeshje do t’i mungojë Konstantinos Tsimikas i Liverpoolit, që është lojtari më i shtrenjtë aktualisht i Greqisë me 9 milionë euro.
Pas tij janë futbollistët Konstantinos Fortounis me 8 milionë dhe Vasilios Barkas me 5 milionë.
Te Kosova, më i shtrenjti është Milot Rashica me 22 milionë i pasuar nga Amir Rrahmani me 14 (Vedat Muriqi, lojtari i ri i Lazios nuk është numëruar shkaku i mos-grumbullimit). /Periskopi
