Zbulohen për herë të parë statistikat e Leo Messit mes moshës 6-12 vjeçare dhe janë çmenduri absolute

Të gjithë i kemi parë pamjet e Messit të vogël duke dribluar kundërshtarët, teksa shënonte gola për qejf si fëmijë i Rosarios së Argjentinës, transmeton Periskopi.

Stili i lojës së Messit nuk ka ndryshuar shumë në 25 vitet e fundit. Ai ende driblon kundërshtarët për qejf dhe shënon gola të shumtë.

Messi kishte kaluar te Newell’s Old Boys më 1994, kur ishte vetëm 6-vjeçar.

Ai qëndroi aty deri në vitin 2000.

Messi pastaj kaloi te Barcelona në moshën 13-vjeçare dhe pjesa tjetër është histori.

Ai gjërësisht konsiderohet si një prej futbollistëve më të mirë të të gjitha kohëve, teksa ka fituar gjithçka që mund të fitohet.

Ai ka shënuar saktësisht 634 gola për Barcelonën, plus 70 të tjerë për Argjentinën, por sa i kishte realizuar gjatë qëndrimit të tij te Newell’s?

Numri i saktë nuk është bërë i ditur deri tani.

Miguel Martinez, i cili ishte zyrtar shtypi për Asociacionin e Futbollit në Rosario, me kujdes analizoi të dhënat të secilës ndeshje që Messi e luajti mes moshës 6 dhe 12 vjeçare.

Dhe gazeta argjentinase, “Ole” i ka publikuar rezultatet.

1994: Në vitin e tij të parë te Newell’s, Messi shënoi 40 gola në 28 ndeshje.

1995: Në vitin pasues, ai shënoi 35 gola në 30 ndeshje.

1996: Në moshën 8 vjeçare, Messi në 27 ndeshje realizoi 36 gola.

1997: Pastaj, si 9 vjeçar, ai realizoi 40 gola në 36 ndeshje.

1998: Ai luajti më pak ndeshje si 10 vjeçar, të dhënat nuk tregojnë pse – por ai prapë arriti të shënojë 27 gola në 25 paraqitje.

1999: Në vitin e tij të fundit ai eksplodoi tërësisht. Si 11 vjeçar, Messi shënoi 55 gola në 29 ndeshje, teksa skuadra e tij e mbylli sezonin pa asnjë humbje, duke fituar 26 ndeshje dhe duke regjistruar tri barazime.

Në total, Messi shënoi 234 gola në 176 ndeshje për Newell’s. /Periskopi.com/