Ronaldo kishte vendosur të transferohej te ky klub nga Juve, por pandemia ia prishi planet

lli portugez 35-vjeçar iu bashkua Juventusit nga Real Madridi në vitin 2018 dhe ka arritur t’i fitojë të dy sezonet e Serisë A që nga transferimi i tij.

Por, sipas France Football, Ronaldo nuk ishte i impresionuar aspak nga paraqitjet e Juventusit para ndërprerjes së sezonit në mars shkaku i koronavirusit dhe po e shqyrtonte mundësinë e largimit.

Po i njëjti medium pretendon se Ronaldo e dëshironte kalimin në PSG pasi që dëshironte të luante përkrah Neymarit dhe Kylian Mbappes, pasi që e ka një shoqëri të mirë me brazilianin e thuhet se e pëlqen shumë fituesin e Kupës së Botës me Francën.

Parisi gjithashtu thuhet se mbetet një vend i veçantë për Ronaldon sepse pikërisht në kryeqytetin francez ai arriti ta fitojë trofeun e Kampionatit Evropian me Portugalinë në vitin 2016.

Ronaldo raportohet të ketë qenë më së shumti i irrituar me Juventus në tetor të vitit të kaluar, pas ndeshjes të Ligës së Kampionëve kundër Lokomotiv Moskës, të cilën bardhezinjtë e fituan me rezultat 2:1.

Sulmuesi portugez nuk kishte shënuar apo asistuar në atë paraqitje jobindëse të Juventusit dhe ai thuhet se e kuptoi në atë ndeshjes se Juventusi nuk merr po aq vëmendje sa Real Madridi apo klubet e Premierligës.

Për këtë arsye ai thuhet se filloi ta mendonte largimin nga Juventusi dhe ta formonte një partneritet të rrezikshëm në sulm me Neymarin dhe Mbappen në PSG.

Megjithatë, pandemia Covid-19 i ka shuar gjasat që një transferim i tillë të ndodhë pasi që edhe PSG-ja, si klubet e tjera evropiane, është në krizë financiare, dhe s’mund ta përballojë transferimin e Ronaldos.