7 orë më parëReal Madridi: Askush s’mund ta përballojë pagën e Messit
Periskopi(6 vite më parë)
(6 vite më parë)Lionel Messi ka qenë armik i Real Madridit që shumë vite, por tash pas deklaratës se ai dëshiron që të largohet nga klubi ka pasur opionione edhe nga Los Blancos. Në njërën anë, ka të atillë të cilët mendojnë që largimi i tij do të lejojë që Barcelona të rindërtojë një projekt të ri por […]
Në njërën anë, ka të atillë të cilët mendojnë që largimi i tij do të lejojë që Barcelona të rindërtojë një projekt të ri por me pak fleksibilitet në terma të financave, kurse disa të tjerë besojnë që kjo goditje do të këtë efekt në Barcelonë për disa vite.
Ka disa të tjerë në Real Madrid të cilët mendojnë se largimi i Messi nga Barcelona nuk është i mirë për Los Blancos ashtu si tingëllon, për faktin se ata do të kenë 100 milionë ekstra në llogaritë e tyre, një rrethanë që do t’i ndihmonte ata për të rindërtuar skuadrën më mirë.
Faktori sportiv ka peshë, megjithatë, kurse i famshmi burofax ka sjell lumturi në stadiumin “Santiago Bernabeu”, të cilët janë kënaqur me dhimbjen e Barcelonës.
Megjithatë, liderët e Real Madridit nuk besojnë që largimi i Messi nga Camp Nou është i garantuar, pasi që ende konsiderojnë se çdo transfer është “një marrëveshje e pamundshme”.
Në të njëjtën kohë, ata kanë vënë në pyetje nëse ka ndonjë skuadër që do të plotësonte kërkesën për pagë në kuadër të limiteve të UEFA-së.
Ata janë në kërkim që skuadra të bëj reduktime në pagat e tyre për shkak të pasojave që ka lënë pandemia e koronavirusit dhe nëse messi do ti bashkohet Manchester City apo Paris Saint-Germain, gjërat nuk do të kalohen lehtë nga UEFA.
UEFA nuk mund ta ndalojë transferin, por ata mund t’i ndalojnë skuadrat për të marrë pjesë në garat europiane, në këtë raste Ligën e Kampionëve apo Europa Ligë.
Të dyja, Manchester City dhe PSG janë kërcenuar më parë se do të marrin dënime, megjithatë asnjëherë si kanë humbur rastet gjyqësore.
Ka raporte që Messi e ka telefonuar Pep Guardiolan pak ditë më parë për ta diskutuar gjendjen e tij, por e vetmja mënyrë që të shkojë në Etihad Stadium është që kjo skuadër të shet disa lojtarë që mos ta tejkalojë limitin në paga të lojtarëve të caktuar nga UEFA.
Nuk ka zgjidhje tjetër të mundshme. Është në pyetje numra dhe UEFA e di pozitën e saj në këtë rast.
Askush në Real Madrid nuk ka menduar për të nënshkruar me Messi.
Vite më parë, po, disa mënyra janë propozuar, por qëllimi këtë verë është që ata të shesin jo të blejnë.
Për Real Madridin, largimi i Messi nga Barcelona është si një nënshkrim i ri në vetvete.
