Probleme me zemër: Daley Blind pëson kolaps tmerrues në fushë gjatë miqësores së Ajaxit

Holandezi, 30-vjecar, kolapsoi gjatë ndeshjes në “Amsterdam ArenA”, teksa rasti ndërlidhet me problemet e tij të vazhdueshme me zemër, që e kanë vënë në dyshim karrierën e tij si profesionist.

Blind ishte diagnostifikuar me një problem në zemër, pasi u ankua për marramendje gjatë ndeshjes së Ajaxit në Champions League kundër Valencias, në dhjetor të vitit 2019, transmeton Periskopi.

U zbulua se ish-mbrojtësi i Manchester Unitedit po vuante nga një inflamacion në muskulin e zemrës dhe se do të qëndronte larg fushës për një kohë.

Blind u rikthye në aksion me skuadrën e parë në shkurt, pasi doktorët i vendosën një paisje me bateri në gjoks për ta monitoruar ritmin e rrahjeve të zemrës dhe për të detektuar rrahjet jo të rregullta.

Por tash shqetësimet janë rikthyer përsëri, pasi kolapsoi në fushë vonë gjatë miqësores së Ajaxit.

Bashkëlojtarët e tij ishin qartazi të shqetësuar kur ai u rrëzua pa kontakt ose futbollist rreth tij, në minutën e 79-të.

Fatmirësisht, ai mund të fliste me kolegët e tij dhe me shpejtësi mori trajtimin mjekësor, para se të largohej nga fusha.

Pas ndeshjes, u zbulua se paisja me bateri ishte “fikur” por, më e rëndësishmja, ai po ndihej mirë dhe u zëvendësua si masë mbrojtëse. /Periskopi.com/