13 minuta më parëMotra e presidentit Trump e shan rëndë atë: Ai gënjen, është mizor, nuk lexon kurrë
Periskopi(6 vite më parë)
(6 vite më parë)Motra e madhe e presidentit Doanld Trump, është dëgjuar duke e kritikuar të vëllain në një seri inçizimesh që u lëshuan gjatë ditës së djeshme (e shtune), ndërsa në një pikë thotë që presidenti “nuk ka kurrfarë parimesh.” Maryanne Trump Barry në mënyrë sekrete ishte inçizuar nga e mbesa e saj, Mary Trump, që së […]
Maryanne Trump Barry në mënyrë sekrete ishte inçizuar nga e mbesa e saj, Mary Trump, që së fundi ka lansuar një libër ku e denoncon presidentin të titulluar “Tepër shumë dhe Kurrë mjaftueshëm: Qysh familja ime krijoi njeriun më të rrezikshëm në botë”. Mary Trump tha të shtunën se i kishte bërë këto inçizime më 2018 dhe 2019.
Në një inçizim, Barry, 83 vjeçare tashmë, thotë se kishte dëgjuar një intervistë të vëllait të saj, presidentit Trump, që do ta vinte atë në kufi për të parë rastet e fëmijëve emigrantë të ndarë nga prindërit e tyre.
“Baza e tij (e mbështetësve), oh zot, nëse jeni njeri i fesë, do të donit të ndihmonit njerëz. Jo ta bënit këtë gjë,” thotë Barry, raporton The Guardian, përcjell Periskopi.
Më vonë, ajo thotë: “Postimet e tij në Twitter, rrenat, oh zot. Po flas lirshëm, por e dini për çka e kam fjalën. Ndryshimi i rrëfimeve. Mungesa e përgatitjes. Rrenat. “
Barry dëgjohet duke thënë edhe se i vëllai i saj kurrë nuk kishte lexuar opinionet e saj për rastet e emigrantëve.
“Çka ka lexuar ai?” pyet Mary Trump hallën e saj. Barry përgjigjet: “Jo. Ai nuk lexon.” /Periskopi
