Ja faturat me shumat marramendëse të Maguire në Greqi

Në Angli, natyrisht, nuk flitet për gjë tjetër dhe mediat vazhdojnë të publikojnë detaje të reja në lidhje me çështjen.

I fundit ka ardhur nga The Sun dhe ka lidhje me llogarinë e paguar nga Maguire dhe shokët e tij në një lokal. Sipas së përditshmes britanike, ata kanë shpenzuar rreth 70 mijë euro në harkun e pesë orëve.

Ndoshta do të kishin bërë më mirë t’i kursenin ato para, duke parë se, siç ka zbuluar Daily Mail, telashi ku ka hyrë në Greqi mund t’i kushtojë shtrenjtë atij.

Nëse shpallet fajtor, në fakt, ai rrezikon deri në tre vite burg. Ose mund të arrijë një marrëveshje për të paguar një gjobë rreth 100 mijë euro. Rroga e një jave për të, ka kujtuar Daily Mail.

Por portofoli është problemi i fundit i Maguire, i cili rrezikon seriozisht të humbasë shiritin e kapitenit të United, që i është dhënë një vit pas transferimit të tij te Djajtë e Kuq.