E dhimbshme: Ylli i Atalantas në depresion, ka pësuar trauma nga pamjet me njerëzit e vdekur nga koronavirusi në Bergamo

Ai nuk u infektua, por gjendja e rënduar në Itali, duket se do të jetë fatale për karrierën e sllovenit të Atalantës, Josip Ilicic.

Sipas mediave italiane, nga ajo që ka përjetuar nga pamjet në Bergamo, mund ta detyrojnë të pensionohet para kohe.

Momentalisht ai është kthyer në vendlindje, ku po tenton të largohet nga depresioni që e ka kapluar.

Viteve të fundit, ai ka treguar paraqitje të shkëlqyera me skuadrën nga “Atleti Azzuri d’Italia”.

Futbollisti nuk është paraqitur për zikaltrit në ndeshjet e fundit të sezonit në Serie A, derisa nuk do të përfshihet as për takimin ndaj PSG-së.