3 minuta më parëCOVID-19: Paralajmërim i frikshëm nga OBSH-ja
Periskopi(6 vite më parë)
(6 vite më parë)Pandemia e koronavirusit ka të ngjarë të jetë “e gjatë”, paralajmëroi Organizata Botërore e Shëndetit (OBSH) të shtunën ndërsa vendet nga Franca në Meksikë raportuan një rritje të rasteve. Sipas Euronews, OBSH tha se “vendosi theksin në kohëzgjatjen e parashikuar të gjatë të kësaj pandemie COVID-19” në një deklaratë pasi komiteti i saj i urgjencës […]
Pandemia e koronavirusit ka të ngjarë të jetë “e gjatë”, paralajmëroi Organizata Botërore e Shëndetit (OBSH) të shtunën ndërsa vendet nga Franca në Meksikë raportuan një rritje të rasteve.
Sipas Euronews, OBSH tha se “vendosi theksin në kohëzgjatjen e parashikuar të gjatë të kësaj pandemie COVID-19” në një deklaratë pasi komiteti i saj i urgjencës u takua të premten për të vlerësuar krizën gjashtë muaj pasi “ra alarmi global” më 30 janar.
Grupi paralajmëroi gjithashtu për rrezikun e “lodhjes së reagimit” duke marrë parasysh presionet socio-ekonomike ndaj vendeve.
“OBSH vazhdon të vlerësojë se niveli i rrezikut global të COVID-19 mund të jetë shumë i lartë”, tha deklarata e saj e fundit, përcjell Telegrafi.
“Komiteti theksoi kohëzgjatjen e parashikuar të gjatë të kësaj pandemie COVID-19, duke përmendur rëndësinë e përpjekjeve të qëndrueshme të reagimit të komunitetit, kombëtar, rajonal dhe global”.
Ndërkohë është bërë e ditur se ndër tjerash, Franca dhe Polonia ishin midis një numri vendesh që raportuan një rritje të rasteve të koronavirusit.
Për një ditë të tretë me radhë, Polonia raportoi numrin më të lartë të rasteve të reja të shtunën, me 658 infeksione të reja. Tani Polonia ka raportuar gjithsej 46,346 raste të koronavirusit dhe 1.721 vdekje.
