3-vjeçari bëhet personi më i ri që ngjitet në lartësi mbi 10 mijë metra

Jackson Houlding, tre vjeç, dhe motra e tij shtatë vjeçare Freya, aritën në majën e malit Piz Badile, i cili ndodhet në kufirin e Zvicrës dhe Italisë, të udhëhequr nga babai i tyre Leo dhe nëna Jess.

Të dy fëmijët bënë histori, pasi Freya u bë personi më i ri që u ngjit në mal pa u mbështetur, ndërsa Jackson është më i riu që arriti majën. Familja britanike filloi ngjitjen e tyre më 25 korrik.

Leo, i cili është një alpinist profesional, tha: “Vajza ime u ngjit gjatë gjithë rrugës vetë, duke përfshirë të gjithë ecjen dhe gjithçka tjetër, ishte shumë mbresëlënëse. Ajo i mbushi shtatë vjet javën e kaluar”.

“Gruaja ime Jess mbarti Jacksonin, i cili peshon rreth 15 kg, në shpinë dhe unë mbaja të gjitha pajisjet e kampeve dhe ushqimin”. “Ne kemi bërë mjaft gjëra në Mbretërinë e Bashkuar dhe Evropë në vitet e kaluara, por çdo verë fëmijët janë më të mëdhenj dhe më të aftë se një vit më parë”, u shpreh ai.

Pasi familja mbaroi ngjitjen, Leo dhe Jess shpërblyen fëmijët e tyre me ëmbëlsira. Ngjitja tjetër e familjes do të jetë një udhëtim shumë-ditor nëpër malet më të larta të Malit të Zi.