Shefi i Premier Leagues pranon se sezoni mund të anulohet për shkak të asaj që po ndodhë me Leicesterin

Në kohë të caktuara, u duk se nuk do të rikthehej kurrë, transmeton Periskopi.

Me numrin e vdekjeve që vetëm sa rriteshin nëpër botë, fansat e futbollit as që mund të mendonin për futboll.

Sidoqoftë, u vendos që aksioni të rikthehet duke futur në përdorim një protokoll strikt shëndetësor.

Natyrisht, pa fansa nëpër stadiume, por me rëndësi është që futbolli në Premier League është rikthyer.

Sidoqoftë, me qytetin e Leicesterit që është në masa të reja parandaluese për shkak të rrezikshmërisë së lartë të infektimit, sezoni në Premier League është në dyshim përsëri.

Shefi i kësaj lige, Richard Masters pranoi se sezoni mund të anulohet nëse situata përkeqësohet.

“Ne qartazi mund ta përballojmë situatën në Leicester, nëse kjo do të nënkuptonte se klubi nuk do të mund të luante ndeshje në shtëpi në të ardhmen ose vetëm këtë fundjavë. Adaptohemi me këtë,” tha Masters.

“Nëse do të ndodhte në shumë zona ose virusi krijon tjera rrezike, ka gjasa që mos ta kompletojmë sezonin.

“Jemi optimistë se do ta përfundojmë sezonin, por duhet të gjendet një marrëveshje se cili model duhet përdorur për të vazhduar përpara.”

Masters i siguroi fansat e Liverpoolit se ata do të jenë kampionë, pavarësisht si shkojnë gjërat.

“Ckado që ndodhë, Liverpooli është tash kampion dhe nuk duhet të shqetësohemi për këtë,” shtoi ai. /Periskopi.com/