Shantazhoi Valbuenën të paguante ose i publikonte videon me gruan, prokuroria proces kundër Benzemas

Në fushë gjërat shkojnë mirë e me golat e tij po udhëheq Real Madrid drejt titullit në Liga. Gabimet e të shkuarës janë ato që vazhdojnë ta torturojnë e tani Karim Benzema rrezikon procesin për cështjen e shantazhimit në dm të Mathieu Valbuena në 2015.

Sipas akuzës, në fakt, sulmuesi francez ka qenë ndërmjetës për shantazhuesit që kërcënonin se do të publikonin në Internet një video me drita të kuqe me protagonist ish-lojtari e Lion e një grua.

Hetimet kishin nisur si pasojë e denoncimit të prezantuar në qershor 2015 nga vetë Valbuena që kishte marrë disa telefonata anonime në kohën kur ishte i grumbulluar me Kombëtaren.

Mesfushorit i kërkoheshin 150mijë euro, duke e kërcënuar se do ti qarkullonin në rrjet një video hard që kishte xhiruar bashkë me shoqen. Drejtësia franceze dyshon se Benzema, i kontaktuar në atë kohë nga një mik i fëmijërisë i përfshirë nga banda, e ka nxitur ish-shokun e skuadrës të paguante.

Cështja bëri zhurmë të madhe në Francë, aq sa që nga ajo kohë, sulmuesi i Real nuk thërritet më me Kombëtaren.

Në dhjetor 2019, Gjykata e Kasacionit kishte vlerësuar hetimin e kontestuar nga Benzema e dy të akuzuar të tjerë, të cilët kishin apeluar për të kundërshtuar mënyrën si një agjent i policisë kishte kryer hetimet.