Pardje festë, dje festë, sot fitojnë: Rooney me shokë humb nga kampionët e ‘dehur’ të Leeds United

Leeds parmbrëmë kishte festuar kualifikimin direkt në Premierligë. Ndërkohë që në mesditën e djeshme kishte një festë tjetër, ajo e titullit të kampionit.

Por, përkundër lodhjes së tepërt nga dy festa në dy ditë, menjëherë sot ata arritën që të fitonin si mysafir 3-1 ndaj Derby Countyt.

Ishte Derby ekipi që kaloi i pari në epërsi me anë të Chris Martin. Por, ekipi ku luan Rooney më pas pësoi hiç më pak se tri herë. Pablo Hernandez shënoi të parin, Jamie Shackleton të dytin dhe një autogol e vulosi fitoren e Leeds.

Rooney me shokë ishte i detyruar që t’i bënte edhe gardë nderi kampionëve të rinj të Championshipi që nga viti i ardhshëm do të luajnë kundër ekipit Manchester United duke riaktualizuar një prej derbive më të mëdhenj në Evropë.

Ekipi i Bielsas ka arritur në kuotën e 90 pikëve. /Periskpoi