Mos e pengoni punën e Kryetarit Agim Ademi

Sot u bënë dy vjet prej se Agim Ademi

mori timonin e Federatës së futbollit të Kosovës. Gjatë kësaj periudhe të shkurt janë shënuar rezultate të jashtëzakonshme të cilat askush nuk i kishte imagjinuar.

Menaxhim perfekt në Nations League dhe më pas kualifikimi shumë afër, direkt nga grupi drejt Euro 2020 ka ndikuar në rrethanat e fundit të krijuara nga qarqe të papërgjegjshme politike të cilat vuajnë nga kompleksi i mos-suksesit.

Dhe normalisht që menaxhimi perfekt është ende i pranishëm, sepse Kombëtarja është ende në lojë per kualifikim direkt. E ndajnë dy ndeshje dhe gjasat janë të mëdha. Për atë qarqeve politike ju pengon puna e deritanishme e Kryetarit Agim Ademi. Sepse jo që s’kemi qenë kurrë në jetë as në ëndrra kaq afër, por nëse e pengojmë punën e Kryetarit Ademi, më kurrë nuk do të kemi shansa për rezultate më të mira. Kurrë. Nëse ndodh që të largohet Kryetari aktual i FFK-së, gabimi do të mbetet ndërgjegje afatgjate për prosperitetin e Shtetit tonë.

Apeloj te i gjithë sistemi politik e shtetëror, mos e bëni këtë gabim për një ngjarje që nuk ngjason aspak në një milion anomali që na kanë lënë mbrapa si Shtet.

Lejoni njeriun i cili e njef futbollin evropian më mirë se të gjithë ne që të vazhdojë aventurën shtetërore.

Mos harroni, ai shtet që e ka futbollin e zhvilluar, e ka edhe Shtetin e zhvilluar.

E ne nuk kemi aktualisht njeri më të menqur për ta udhëhequr këtë Industri të rëndësishme e cila e bashkon Evropën dhe krejt Planetën.

Kemi bërë shumë gabime si shtet në shumë sektorë, andaj mos të gabojmë edhe në futboll ngase me anë të rezultateve në futboll na njohu më mirë Evropa dhe Bota.

Shkruan: Andin Lokaj