7 orë më parëMan City ‘stërvitet’ me Watfordin e shkretë, ia dyfishon stresin në kohë pandemie pa pikë nevoje
Periskopi(6 vite më parë)
(6 vite më parë)Manchester City deklasoi Watfordin në ndeshjen e javës së 37-të në Premier League, të martën mbrëma, me rezultat 4-0, por jo që ishte shumë e nevojshme ta bënte këtë. City tashmë e ka siguruar vendin e dytë dhe sikur të tregohej pak më bujar, sigurisht se do të mund të regjistronte një fitore 1 apo […]
City tashmë e ka siguruar vendin e dytë dhe sikur të tregohej pak më bujar, sigurisht se do të mund të regjistronte një fitore 1 apo 2 me 0, por jo, djelmoshat e Pep Guardiolas thjesht duhej ta poshtëronin Watfordin e shkretë në një pasdite të bukur.
Rrahimi i Stërllingëve i pari bëri zemrën guri në minutën e 31-të, kur shënoi për 1-0.
Sidoqoftë, ai paksa u tregua më zemërgjërë më vonë, pasi humbi një penallti nëntë minuta më vonë – sigurisht e dinte se edhe një gol do të ishte stres i panevojshëm për kundërshtarin, që as që po mundohej të shënonte.
Mirëpo, anglezi ndërroi mendje menjëherë pas pak sekondave, pasi nga topi i kthyer, drejtoi topin në rrjetë, jo që e fajësojmë shumë këtu, sepse në portën e zbrazët vetëm nëna e portierit nuk do të shënonte.
Pas tij, radha i erdhi Phil Foden të qëllonte cakun, teksa e gjeti rrugën e golit në minutën e 63-të.
Tre minuta më vonë, Aymeric Laporte shënoi edhe një, pastaj “Sheherlitë” hoqën këmbën nga gazi.
City tash ka 78 pikë dhe e ka të pamundur të shkojë më poshtë se pozita e dytë, edhe po të dëshironte – se për të parin mos të flasim. Vetëm nëse nuk keni qenë duke jetuar nën ndonjë shkëmb në vargmalet e Sudanit jugor, sigurisht se e dini që Liverpooli është shpallur tashmë kampion.
Watfordi ndërkohë po përpëlitet për të mbijetuar dhe mund ta sigurojë mbijetesën nëse fiton ndeshjen e ardhshme – ndoshta. /Periskopi.com/
