Maldini dhe Pioli e mbyllin me Milanin, Rangnick merr gjithçka në dorë në fund të sezonit

Milano-Juventus i fundit i Piolit do të jetë një Milan-Juventus që edhe Maldini nuk mund ta harrojë. “Ky është Milani im”, tha trajneri pas suksesit të rëndësishëm në Romë ndaj Lazios.

Ishte Milani më i mirë i sezonit. Kontrata e Piolit parashikon rinovim automatik vetëm në rast kualifikimi në Ligën e Kampionëve. Nuk do të ndodhë. Një finale e shkëlqyer e sezonit, përveç që padyshim të bëhet më e mira e skuadrës, do të shërbejë vetëm për të lënë pas disa keqardhje dhe pengje.

Sigurisht për karrierën e ardhshme të trajnerit. Por përtej kësaj, tashmë është vendosur që Pioli nuk do të konfirmohet, sepse Ralf Rangnick është një zgjedhje që mund ta konsiderojmë përfundimtare.

Në të vërtetë, administratori Ivan Gazidis komunikoi ardhjen e Rangnick edhe te legjenda Maldini. Nuk ka më dyshime. Dhe kjo, përveç stërvitjes, nga sezoni i ardhshëm ai do të mbulojë edhe rolin e drejtorit teknik.

Kjo do të thotë që Maldini do të largohet, pasi këtë rol e zotëron legjenda kuqezi me kontratë deri në vitin 2022. Rangnick, ndër të tjera, do të jetë gjithashtu mbikëqyrësi i sektorit të mjekësisë.