Leo Messi votohet vetëm si lojtari i dytë më i mirë në La Liga këtë sezon

Lionel Messi përfundoi sezonin në La Liga me trofeun “Pichichi”, pasi realizoi 25 gola dhe kontriboi me 21 asistime.

Me ato 21 asistime në La Liga, ai theu rekordin në kampionatin spanjoll, që më herët mbahej nga Xavi, transmeton Periskopi.

Ai gjithashtu u bë lojtari i parë në histori të La Ligas që shënoi 20 gola dhe 20 asistime brenda një sezoni – një sukses që vetëm Thierry Henry e kishte arritur në top pesë ligat evropiane.

Kur marrim parasysh se ai mungoi në pesë ndeshje për shkak të lëndimit, ka qenë një sezon i jashtëzakonshëm për 33-vjecarin.

Sidoqoftë, zhgënjyese për argjentinasin është fakti se Barcelona u mposht në garën për titull nga Real Madridi.

Por ky nuk është lajmi i vetëm i keq për të.

Kjo pasi, sipas një sondazhi të krijuar nga “Marca”, ai është mposhtur edhe në garën për “Lojtarin e Vitit” nga Karim Benzema.

Sulmuesi francez shënoi 21 gola në ligë, teksa Reali fitoi titullin e parë në tri vite, teksa arriti 37% të votave, krahasuar me 31% të Messit.

Kapiteni i Benzemas, Sergio Ramos, doli i treti me 14% të votave. /Periskopi.com/