Kur kamera e kishte kapur Guardiolan të frikësuar deri në palcë nga treshja sulmuese e Liverpoolit

Mohamed Salah, Sadio Mane dhe Roberto Firmino kanë funksionuar në mënyrë të jashtëzakonshme se bashku që nga fillimi i edicionit 2017/18, transmeton Periskopi.

Ky ishte sezoni debutues i Salahut në “Anfield” dhe egjiptiani tregoi se ishte ai që u nevoitej “Të Kuqve”.

Liverpooli arriti finalen e Champions Leagues më 2018, derisa mposhti Manchester Cityn në cerekfinale.

Djelmoshat e Jurgen Kloppit triumfuan me rezultat të përgjithshëm prej 5-1, duke fituar edhe brenda edhe jashtë, me Salahun, Firminon dhe Manen që shënuan katër nga pesë golat e skuadrës.

Para kësaj cerekfinaleje, trajneri i Cityt, Pep Guardiola ishte filmuar duke folur i nervozuar për skuadrën e Kloppit – në vecanti për treshen sulmuese.

Më poshtë, biseda e plotë e spanjollit me asistentët Carles Planchart dhe Domenec Torrent.

Guardiola: Sulmuesit e Liverpoolit janë të mirë.

Planchart: Si the?

Guardiola: Treshja e sulmit.

Planchart: Po Pep, por janë vetëm ata.

Guardiola: Ata më frikësojnë. Janë të rrezikshëm, e kam seriozisht. E kam një ndjenjë se Salah do të luajë si sulmues. Salah do të luajë si 9sh dhe Firmino do të kalojë në krah. Ai shkon aty dhe Salah në sulm. Mbrojtësi ynë nuk mund t’i mbulojë mbrojtësit anësorë të tyre.”

Planchart: E kam vërejtur se kur ata nuk kanë hapësirë, vuajnë shumë, si sot kundër Crystal Palace. Por ne jemi skuadër që rrezikon shumë.

Torrent: E shikova ndeshjen tonë dje kur luajtëm në ‘Anfield’ dhe humbëm. Ata luajtën në një nivel tjetër. Nëse dëshiron t’i mposhtësh, duhet të punosh për ta bërë. Nëse jemi në më të mirën tonë, jemi më të mirë se Liverpooli.” /Periskopi.com/