Komentet e fundit të Manuel Neuer janë tejet thumbuese për Ter Stegenin

Manuel Neuer dhe Marc Andre ter Stegen kontestojnë njëri tjetrin për numrin 1 në portën e kombëtares së Gjermanisë, dhe deri më tani këtë luftë e ka fituar anëtari i Bayern.

Neuer së fundmi ka dhënë disa komente lidhur me këtë situatë, ku në mënyrë përulëse ka thënë se nuk ka ndonjë trajner që nuk vendos në formacion startues lojtarët më të mirë, duke aluduar kështu se qëndron më mirë sesa portieri i Barcelonës.

“Jam më i miri”, ka thënë Neuer pa hezitim, i pyetur për të ardhmen me kombëtaren.

“Cili trajner nuk do të vendoste më të mirët në fushë? Nuk kam dyshim që jam më i miri, edhe pse nuk jam 17 vjeç”, ka thënë tutje portieri i Bayern.

Përveç konkurrencës me Ter Stegen, Neuer do të ketë konkurrencë të madhe edhe te Bayern, ku nga sezoni tjetër do të jetë edhe Alexander Nubel.