Imazhet satelitore tregojnë eksplodime masive në impiantin nuklear: Kush po e sulmon Iranin?

Një fotografi satelitore e publikuar në një agjenci lajmesh iraniane me bazë në londër tregon se shumica e ndërtesës ishte shkatërruar nga incidenti i të enjtes në mëngjes, duke lënë të kuptohet se kishte pasur eksplodim të madh.

Autoritetet iraniane kanë thënë që kishte shpërthyer një zjarr në impiantin e Natanzit për pasurimin e uraniumit në provincën Isfahan, por analistët amerikanë dhe evropianë thanë që dukej një vend ku centrifugat e avancuara – pajisje që rrotullohen me shpejtësi ekstreme për ta kthyer uraniumin në lëndë nukleare – po zhvilloheshin, shkruan The Guardian, përkthen Periskopi.

Incidenti në Natanz u pasua nga dy aksidente të tjera industriale gjatë ditës së sotme, me zjarre dhe eksplozione në vende të tjera – duke rritur kështu spekulimet se Irani po shënjestrohej nga një fushatë sabotazhi e organizuar dhe e sponzorizuar nga shteti.

Zyrtarët qeveritarë të Izraelit folën për herë të parë të dielen për këto thashetheme.

As ministri i jashtëm Gabi Ashkenazi, e as ai i mbrojtjes, Benny Gantz, nuk pranuan që Izraeli kishte rol në këtë çështje.

“Jo çdo incident që ndodh në Iran është domosdo i lidhur me ne (Izraelin),” tha Gantz për Radio Izraelin sot në mëngjes. /Periskopi