8 orë më parëIbrahimovic i pandalshëm edhe si 38-vjeçar: I vetëm ia siguron tri pikë Milanit kundër Sassuolos
Periskopi(6 vite më parë)
(6 vite më parë)Milani, i udhëhequr nga Zlatan Ibrahimovic, ka mposhtur Sassuolon 2-1, në ndeshjen e vlefshme për javën e 35-të në Serie A, të martën mbrëma. Ibrahimovic hapi llogarinë e golave në minutën e 19-të, kur shënoi me kokë pas një krosimi në zonë nga Hakan Calhanoglu, shkruan Periskopi. Nikoqirët u rikthyen në ndeshje duke barazuar në […]
Ibrahimovic hapi llogarinë e golave në minutën e 19-të, kur shënoi me kokë pas një krosimi në zonë nga Hakan Calhanoglu, shkruan Periskopi.
Nikoqirët u rikthyen në ndeshje duke barazuar në minutën e 42-të, përmes Caputos që qëlloi cakun nga penalltia.
Mirëpo, në kohën shtesë të pjesës së parë, Ibra edhe një herë tregoi se mosha është vetëm numër për të, duke realizuar pas një tjetër asistimi të Calhanoglut.
Kujtojmë se në kohën shtesë të pjesës së parë, Sassuolo mbeti me dhjetë lojtarë në fushë, pas përjashtimit të Bourabia, i cili u ndëshkua me kartonin e dytë të verdhë.
Në pjesën e dytë, përkundër rasteve dhe epërsisë numerike të Milanit, gola të tjerë nuk pati.
“Rossonerët”, pas kësaj fitoreje, grumbullojnë 59 pikë dhe zënë pozitën e pestë në tabelë, ndërsa Sassuolo zë vendin e tetë, me 48 pikë. /Periskopi.com/
