7 orë më parëFormacioni i Chelseat për sezonin e ardhshëm është thjesht tmerrues për çdo rival
Periskopi(6 vite më parë)
(6 vite më parë)Chelsea i Frank Lampardit është një nga skuadrat që ka befasuar më shumë Europën këtë vit. Blutë e Londrës, në vitin e parë nën drejtimin e 42-vjeçarit, synojnë vendin e tretë në Premier League si dhe janë kualifikuar në finalen e FA Cup, ku do të përballen me Arsenalin. Chelsea i ka lënë të gjithë […]
Blutë e Londrës, në vitin e parë nën drejtimin e 42-vjeçarit, synojnë vendin e tretë në Premier League si dhe janë kualifikuar në finalen e FA Cup, ku do të përballen me Arsenalin.
Chelsea i ka lënë të gjithë me gojë hapur sa u përket ndërhyrjeve në merkato, duke njoftuar firmosjen me lojtarë të niveleve më të larta, siç është marokeni Hakim Ziyech dhe “ylli” gjerman i Leipzigut, Timo Werner.
Frank Lampard ka projektuar një 11-tëshe të frikshme që do t’i jepte mundësinë për të synuar çdo trofe për sezonin e ri futbollistit, por drejtuesve londineze u duhet edhe një sforco e fundit për të plotësuar të gjitha kërkesat e anglezit.
Me Ziyech dhe Werner tashmë të veshur me ngjyrën blu, Lampard dëshiron “yje” të tjerë në skuadër. Objektivi i radhës është talenti i Leverkusenit, Kai Havertz, që kërkohet edhe nga Real Madridi. Ai do të luante në mesfushë në skemën 4-3-3 së bashku me Kante dhe Mason Mount. Në sulm do të ishte “tredhëmbëshi” luksoz, Pulisiç-Werner-Ziyech.
Në mbrojtje, Lampard ëndërron edhe dy blerje luksoze. Siç thekson “The Sun”, trajneri 42-vjeçar anglez dëshiron të nënshkruajë me të majtin e Leicesterit, Ben Chilwell (një operacion që do të kushtonte më shumë se 90 milionë stërlina), si dhe me mbrojtësin e ri Declan Rice nga West Hami.
Përfundimisht, Chelsea ka nevojë për një portier të ri për të zëvendësuar blerjen më të shtrenjtë në historinë e klubit, Kepan, i cili nuk ka pasur performancën që pritej prej tij.
Blutë janë të interesuar për nënshkrimin me Jan Oblak, portierin e Atlético Madridit, i konsideruar një nga më të mirët në botë.
