4 orë më parëDardani i Javës: Blendi Baftiu lë pas Kolollin, Zeqirin e Vedat Muriqin
Periskopi(6 vite më parë)
(6 vite më parë)Një javë tjetër e zbehtë për lojtarët dardanë që luajnë në garat evropiane. Vedat Muriqi nuk ia doli që të shënonte gol për Fenerbahçen që shënoi fitore 2-1 me golat e Ferdi Kadioglut. Në anën tjetër, supergol ka shënuar Benjamin Kololli për ekipin e tij në Zvicër dhe ia doli të futej në formacionin e […]
Vedat Muriqi nuk ia doli që të shënonte gol për Fenerbahçen që shënoi fitore 2-1 me golat e Ferdi Kadioglut.
Në anën tjetër, supergol ka shënuar Benjamin Kololli për ekipin e tij në Zvicër dhe ia doli të futej në formacionin e javës në këtë kampionat.
Në kategorinë e dytë zvicerane fantastik ishte Andi Zeqiri – përforcimi më i ri i Kombëtares së Kosovës, që i shënoi plot dy gola për Luganon, përcjell Periskopi.
Një tjetër dëshpërim e solli Bersant Celina, që për Swansean në kategorinë e dytë të futbollit anglez, ishte gjithë ndeshjen rezervist.
Po në Championship, ishte i jashtëzakonshëm Atdhe Nuhiu që e shënoi të vetmin gol për Sheffield Wednesdayn që duket gjithnjë e më larg playoffit për t’u futur në Premier Ligë.
Kësaj here, për herë të parë, epiteti i Dardanit të Javës i takon futbollistit që u paraqit një herë për Kosovën në një ndeshje kundër Suedisë: Blendi Baftiut.
Lojtari i Ballkanit të Ismet Munishit, Blendi Baftiu, gjatë kësaj jave shkëlqeu për ekipin e tij, duke e shënuar edhe një gol nga më se 30 metra.
