Chelsea tallet brutalisht me Liverpoolin përmes postimit të Gerrardit, para ndeshjes së nesërme

Poashtu, është hera e fundit që skuadra e Jurgen Kloppit do të luajë në ‘Anfield’ këtë sezon dhe kjo nënkupton një gjë.

Festën me trofe.

Liverpooli fitoi Premier Leaguen muajin e kaluar dhe ka qenë duke pritur me durim për t’i futur duart në trofe, dhe më në fund do të ndodhë pas 24 orëve, transmeton Periskopi.

Por Chelsea do të jetë kundërshtari që mund t’i japë një shije paksa më të hidhur eventit, edhe pse jo shumë të hidhur.

Skuadra e Frank Lampardit është ende duke e ndjekur kualifikimin në Champions League, dhe tri pikë nga kjo ndeshje, do t’ia siguronin edhe matematikisht top katërshen.

Me Manchester Unitedin dhe Leicesterin që do të takohen më vonë, “Të Kaltërit” kanë rastin ideal të konfirmojnë pjesmarrjen në Champions League, duke kursyer një ndeshje.

Duket se admini i llogarisë së Chelseat në Twitter mezi e pret ndeshjen, teksa ka bërë një postim kontravers para përballjes.

Llogaria zyrtare e klubit paralajmëroi ndeshjen e nesërme duke shkruar: “Prapë në ‘Anfield’ nesër,” duke ia bashkangjitur videon nga rrëshqitja e famshme e Steven Gerrardit, që i hapi rrugë golit të Demba Ba më 2013/14, e që eventualisht i kushtoi me titull “Të Kuqve”. /Periskopi.com/