Championshipi, ligë e shqiptarëve: Nuhiu e Alioski shkëlqyen, Celina e Muriqi dëshpëruan

Leeds Unitedi i Marcelo Bielsas u shpall kampion, ekip ky që mban maqedonasin me origjinë shqiptare, Ezgjan Alioskin. Alioski ishte mjaft i rëndësishëm për ekipin e teknikut argjentinas, duke u inkuadruar kryesisht nga pjesa e dytë dhe i realizoi pesë gola në 39 ndeshje.

Swansea City i Bersant Celinës arriti që në minutat e fundit të ndeshjes së fundit të siguronte vendin e fundit për në Play-off dhe inkuadrimin në Premier Ligë do ta kërkojë duke e eliminuar Brentfordin e më pas edhe në finalen e play-offit me njërën prej ekipeve mes Cardiff Cityt dhe Fulhamit.

Bersant Celina pati sezon dëshpërues në Championship duke u paraqitur në vetëm 35 ndeshje, shumë prej tyre si rezervist, dhe i shënoi vetëm dy gola, përcjell Periskopi.

Portieri i parë i Kosovës, Arijanet Anan Muric, po ashtu dëshpëroi për Nottingham Forestin duke luajtur vetëm në katër ndeshjet e para të sezonit. Ai tashmë është rikthyer te Man.City dhe pritet të huazohet sërish te ndonjë ekip tjetër.

Futbollisti tjetër i Kosovës, Atdhe Nuhiu, e zhvilloi sezonin më të mirë në EFL Championship me Sheffield Wednesdayn pasi ia doli që në shumë ndeshje të paraqitej nga fillimi dhe t’i shënonte plot 6 gola në 38 ndeshje. /Periskopi