4 orë më parëZbulohet arsyeja pse Liverpooli u tërhoq nga gara për Werner, tashmë ka arritur marrëveshje me Chlesean
Periskopi(6 vite më parë)
(6 vite më parë)Për muaj të tërë u duk se Liverpooli po e kryesonte garën për transferimin e TImo Werner – një lojtar të cilin ka qenë duke e përcjellur që disa vite. Sulmuesi i RB Leipzigut po kalon nëpër një formë fantastike këtë fushatë, dhe deri tash ka shënuar 25 gola në 29 paraqitje në Bundesligë, transmeton […]
Sulmuesi i RB Leipzigut po kalon nëpër një formë fantastike këtë fushatë, dhe deri tash ka shënuar 25 gola në 29 paraqitje në Bundesligë, transmeton Periskopi.
Dhe me klauzolën e tij që bie në vetëm 60 milionë euro këtë verë, u duk sikur “Të Kuqtë” do ta aktivizonin opsionin dhe do ta transferonin para edicionit të ri.
Sidoqoftë, Werner tash raportohet se ka arritur marrëveshje me Chelsean dhe do të luajë në “Stamford Bridge” nga sezoni i ardhshëm.
Të enjten mbrëma ndodhi kthesa sensacionale, me lojtarin që arriti marrëveshje me Chelsean, klub ky i cili ofroi të paguajë klauzolën e plotë.
Por pse Liverpooli nuk e transferoi atë?
Epo, sipas gazetarit të besuar Jan Aage Fjortoft, “Të Kuqtë” vendosën kundër blerjes së tij për shkak të problemeve financiare.
Duket se kampioni i ardhshëm i Premier Leagues nuk mund ta përballojë çmimin e tij prej 60 milionë eurove.
Veç vlerës 60 milionëshe të cilën Chelsea do t’ia paguajë Leipzigut, klubi londinez do t’i ofrojë pagë javore prej 222 mijë eurove 24-vjeçarit.
Kjo do të jetë një kapje masive për Frank Lampardin, sidomos pasi tashmë ka siguruar edhe shërbimet e Hakim Ziyechit nga Ajaxi. /Periskopi.com/
