Werder Bremeni jep lajmin që të gjithë kemi qenë duke e pritur për Milot Rashicën

Werder Bremeni ka dhënë lajmin e gëzueshëm për tifozët rreth Milot Rashicës. Klubi gjerman konfirmuar se ylli i Kosovës është i gatshëm për lojë, për ndeshjen që zhvillohet sonte mbrëma në kuadër të Bundesligës.

Futbollisti 23-vjeçar është i gatshëm për të ndihmuar Werder Bremenin në ndeshjen shumë të rëndësishme kundër Eintracht Frankurt, që luhet sonte me fillim nga ora 20:45.

Trajneri i Werder Bremenit, Florian Kohfeldt ka dhënë disa lajme të mira rreth ekipit ku ka konfirmuar se edhe ylli i Kosovës është i gatshëm për t’u paraqitur për ndeshjen e radhës.

The news we were all waiting to hear ?@lbittencourt32 and @milotrashica
are both available for tonight ✅

? https://t.co/nrocCu8ma7#werder #SVWSGE pic.twitter.com/tbjGsHqBbt

— SV Werder Bremen EN (@werderbremen_en) June 3, 2020

“Të gjithë që kanë luajtur kundër Schalkes janë të gatshëm”, ka deklaruar Kohfeldt.

Sipas faqes së klubit gjerman, kjo gjë vlen edhe për Milot Rashicën dhe Leonardo Bittencourt, të cilët janë zëvendësuar shkaku i lëndimeve në ‘Gelsenkirchen’.

Rashica ishte lënduar në ndeshjen e radhës, dhe ishte zëvendësuar në minutën e 58-të.

Werder Bremen gjendet në një situatë aspak të mirë këtë sezon, ku renditet në vendin e 17 me 25 pikë, dhe një fitore e mundshme kundër Eintracht Frankfurt, është e një rëndësie të madhe.