Valon Berisha për Periskopin zbulon saktësisht si u ndje pasi i shënoi gol Anglisë pas 35 sekondave lojë

Madje, as deri më tani nuk kemi një datë të saktë se kur do të zhvillohet kjo sfidë, por që gjatë kësaj kohe janë përmendur tri data potenciale – në shtator, tetor dhe nëntor, shkruan Periskopi.

Cilado që të jetë data, një gjë është e sigurt – të gjithë e presim me padurim.

Kështu, lidhur me sfidën Kosovë –Maqedoni, në një prononcim për Periskopin, ka folur edhe mesfushori i Kombëtares së Kosovës, Valon Berisha, aktualisht lojtar i Fortuna Dusseldorfit, madje ai dha edhe një parashikim të rezultatit të ndeshjes.

“Të dyja Kombëtaret besoj që jemi në nivel të njëjte, por ata kanë më shumë eksperiencë, pasi janë më gjatë bashkë si Kombëtare,” u shpreh fillimisht Berisha.

“Mendoj që do të jetë një lojë 50/50 dhe, gjasat do të jenë të mëdha të marrim rezultat të mirë. Kurse sa i përket rezultatit, 3 me 1 do të ishte në rezultat i mirë.”

Padyshim që Berisha ishte ‘heroi i mbrëmjes’ së 10 shtatorit 2019, kur në stadiumin Southamptonit, shënoi që në sekondën e 35-të të ndeshjes, kundër Anglisë, duke na bërë të gjithëve krenarë.

E lidhur me këto emocione ka folur vet Berisha, i cili rrëfeu se merak i kishte mbetur fitorja.

“Gjithmonë është një ndjenjë e veçantë të shënosh për vendin tënd, për Kombëtaren tënde, t’i bësh krenar familjen, tifozët e krejt shqiptarët. Megjithatë do të kishte qenë më mirë që të kishim fituar,” tha ai për Redaksinë e Periskopit.

Kujtojmë që aventura e mesfushorit 26 vjeçar te Lazio nuk shkoi në mënyrën më përfekte shkaku i lëndimeve, por kjo nuk e ka ndalur yllin kosovar të vazhdojë e ta tregojë vetën si i huazuar te Fortuna Dusseldorf, duke fituar menjëherë vendin e titullarit, prej ku pritet të largohet në verë, për të vazhduar në skuadrën ‘Bardhekaltër’, Lazio. /Periskopi.com/