U tha se fansat e Drenicës sulmuan trajnerin Gani Sejdiu, reagojnë ‘Shqiponjat e Zeza’

Trajneri i KF Drenicës, Gani Sejdiu së fundmi ka qenë protagonist nëpër shkrimet mediatike për një sulm fizik nga fansat pas humbjes së skuadrës që ai drejton nga Prishtina me rezultat 3-0, në kuadër të gjysmëfinales së Kupës së Kosovës.

Pas këtyre spekulimeve ka reaguar klubi i Drenicës duke mohuar kategorikisht se Sejdiu është sulmuar, shkruan Periskopi.

Tash ka reaguar edhe tifogrupi “Shqiponjat e Zeza” duke thënë se asnjë pjestar i tyre nuk e ka sulmuar Sejdiun, por frustrimi është mëse evident.

Më poshtë, postimi i plotë i ‘Shqiponjave të Zeza’:

REAGIM
Ditët e fundit në disa portale qarkullojnë disa shkrime se tifozët e Drenicës kan sulmuar trajnerin Gani Sejdiu. Ne reagojmë ashpër nga këto trillime, sepse as trajneri e as ndonjë nga personeli i klubit nuk është sulmuar nga ne, dhe nuk do të ndodh ky gjest. Ne jemi të zhgënjyer me manipulimet e tyre, dhe ende llogaria me ta nuk është mbyllur, mirëpo nuk kemi zgjedhur dhunen ndaj tyre si zgjidhje. Është më se e vërtetë se të gjithë janë të mllefosur ndaj trajnerit Sejdiu për deklaratat e tij duke e ditur se një profesionist si ai asnjëherë nuk duhet të shprehet si “ i pashpresë” për rikthimin e rezultatit në ndeshjen kthyese. Gjithashtu reagojmë edhe ndaj përzgjedhjes së lojtarëve startues. Nuk jemi asnjëherë kundër perforcimeve në të miren e klubit, mirëpo një përqindje e lojtarëve përforcues nuk kan atë pasionin që të luajn me gjithë shpirtë për fanellen tonë. Ky fakt është shumë shqetësues për ne sepse kemi mjaft lojtar nga akademia e Drenicës që janë rritur në fushat e gjelbërta dhe nuk iu ofrohet mundësia për lojë përveç se në bankat reserve apo ndonjëherë në minutat e fundit të lojës.
Shpresojmë shumë që çdo portal i cili dëshiron të shkruaj artikull për ne sëpari të na kontaktoj dhe të marr informacione të sakta e jo të shpërndaj dezinformata që trillohen nga njerëzit për qëllime të tyre përsonale!