Sveçla: E vërtetë që kam qenë në Telekom, për dy arsye

Ai e quan banale deklaratën e presidentit Hashim Thaçi.

‘’Si është mundur që dikush disponon përgjimet në 20 vitet e fundit. A ekzistojnë këto përgjime në të vërtetë, sespe nëse ekzistojnë është një shkelje e rëndë. A ekzistojnë këto përgjime apo jo?  Do të vije padia edhe për presidentin edhe për njerëzit që kanë thënë dicka të tillë. A jemi përgjuar ne në 20 vitet e fundit?’’

‘’Është qesharake të dekarosh dicka të tillë. Deklaratë banale. Si do të ishte e mundshme që 3 ditë radhazi të shkojmë atje. Ne kemi mbrojtje te afërt. Të zëmë që jemi njerëz të kqinj, por a jemi budallenj?”

‘’’E vërtetë që kam qenë në Telekom me kërkesën e kryeshefes së Telekomit për dy arsye: Duke qenë se Telekomi është në vështirësi financiare për shkak të këtyre njerëzve të njëjtë të cilët neve na akuzojnë janë në borxhe edhe ndaj atyre që iu kanë marrë tokën me qera për antena dhe ka pas rase kur kabllot që furnizojnë antenat me energji janë këputur nga pronarët e tokës, për shkak të mospagesës. Dhe ne është dashur që këtë pozicion ta sqarojmë. Ne kemi diskutuar me qytetarët meqenëse është vepër penale dhe për borxhet me të drejtë t’i drejtohen gjykatës ose përmbaruesve. Për të parandaluar këtë në mënyrë zyrtare kam shkuar aty”, thotë Sveçla, gjersa shton, “Dhe rasti i dytë ka qenë një numër i madh i shkeljeve të cilat ata i kanë identifikuar. Dhe kur mu kanë paraqitur këtë brengë, bëhet fjalë kryesisht për krime ekonomike dhe i kam drejtuar në Drejtorati për Krime Ekonomike në Policinë e Kosovës. Ekzistojnë dëshmitarë të këtyre vizitave, janë punonjës të Telekomit dhe fundi i fundit ekzistojnë edhe kamerat. Unë as që e di që ekziston një dhomë e tillë për përgjimet”.

Unë kam qenë edhe në dalje të Prishtinës, ku janë veturat në pllac së bashku me drejtorin e Policisë dhe zyrtarë të tjerë për të parë që veturat e konfiskuara të ipen në përdorim të policisë./PERISKOPI/