43 minuta më parëSuperyjet e Kosovës e pësojnë keq nga pandemia: Ky është “dardani” i vetëm që shkëlqeu këtë javë
Periskopi(6 vite më parë)
(6 vite më parë)Dje përfundoi një tjetër fundjavë në futbollin evropian që është kthyer në aksion pas një ndërprerjeje të gjatë shkaku i masave kundër Covid-19. E duket se kjo ndërprerje e gjatë ka ndikuar shumë në formën e futbollistëve kryesorë të Kosovës. I vetmi që shkëlqeu ishte kapiteni Amir Rrahmani. Vedat Muriqi luajti gjithë kohën në ndeshjen […]
Vedat Muriqi luajti gjithë kohën në ndeshjen e ekipit të tij, Fenerbahçes si mysafir i Kasimpasas. Inkuadrimi nga fillimi ishte një lehtësim për shtatgjatin nga Prizreni pasi që në ndeshjen e parafundit ishte inkuadruar nga banka e rezervistëve. Megjithatë, përsëri dëshpërim.
Qendërsulmuesi nuk ia doli mbanë që të shënonte gol ndërsa ekipi i tij humbi 2-0. Kjo humbje e lë Fenerin në vendin e 7 me vetëm 43 pikë. Gjasat për një vend që çon në Europa League tashmë pothuajse kanë përfunduar. Ndërkohë që sulmuesi me përvojë Mevlut Erdinc pritet ta lë rezervist Muriqin për ndeshjet e tjera, shkruan Periskopi. Sidoqoftë, në të njëjtën ndeshje i plotë ishte Florent Hadërgjonaj për Kasimpasan.
Në këtë ndeshje edhe Werder Bremeni i Milot Rashicës e zhvilloi një ndeshje vendimtare kundër Mainzit. Ky ekip humbi 3-1 si mysafir dhe tashmë gjasat për mbetje në Bundesligë, qoftë edhe përmes barazhit, janë krejtësisht minimale. Por, megjithëse ndeshje vendimtare, Milot Rashica ishte rezervist. E për më keq, ai ishte rezervist i papërdorur fare nga trajneri i tij Florian Kohfeldt. Se cili do të jetë fati i tij në sezonin në vijim mbetet të shihet.
Sidoqoftë, një dritë në fund të tunelit e ofron kapiteni i kombëtares së Kosovës, Amir Rrahmani. 13-shi zhvilloi një ndeshje solide në ndeshjen e Veronës të fituar 2-1 ndaj Parmas. Tashmë, ekipi i tij po lufton për një vend që çon në Europa League, edhe pse vitin e kaluar ishte pjesë e Serie B-së.
Po në këtë javë, edhe Herolind Shala ia doli ta shënonte një gol për Valerengan. Por megjithatë, Valerenga nuk është një klub që shquhet për cilësi të madhe.
Por ajo që brendos së tepërmi është numri i madh i rezervistëve në ekipin e Kosovës në këto muajt e fundit. Aty përfshihen Aro Muriq që nuk ka luajtur qe gati 10 muaj për ekipin e tij Nottingham Forest. Portieri i dytë Saimir Ujkani që nuk ka luajtur kurrë për Torinon. Por, edhe shumë lojtarë të tjerë.
