6 orë më parëShifrat e golave të talentit që e mori Kosova dalin të rreme: Kjo është e vërteta për Andi Zeqirin
Periskopi(6 vite më parë)
(6 vite më parë)Një lajm i mirë ka ardhur nga Federata e Futbollit të Kosovës pasi talenti Andi Zeqiri ishte pajtuar që të bëhej pjesë e Kombëtares së Kosovës në futboll. Sulmuesi Zeqiri bën pjesë te ekipi i Llozanës (Lausanne) në Zvicër. Por, shifrat e prezantuara të golave në Wikipedia dalin se janë të rreme. Nuk dihet nëse […]
Nuk dihet nëse FFK-ja ka pasur ndërmend këto shifra kur ka biseduar me lojtarin Zeqiri. Por, ato nuk mund të ishin më të rreme se kaq.
Siç mund ta shihni në fotografinë e ekranit më poshtë, 20 vjeçari që do t’i mbush 21 pas disa ditësh, shkruhet se i ka shënuar 19 gola në 17 ndeshje. Një statistikë kjo që do t’ia kishte lakmi edhe Cristiano Ronaldo. Për më tepër, aty del se Zeqiri ka shënuar 41 gola në vetëm 30 ndeshje për Juventusin e grupmoshës nën 19 vjeçare. Por, e gjithë kjo është e rreme, zbulon Periskopi.
Në fakt, Zeqiri që luan për ekipin nga kategoria e dytë e Zvicrës ka statistika krejtësisht të tjera.
Për gjashtë vjet përvojë, Zeqiri ka luajtur 82 ndeshje gjithsej dhe i ka shënuar 23 gola. Ndërkohë, pas 17 ndeshjeve të para, ai i kishte të shënuara vetëm 2 gola.
Sidoqoftë, Zeqiri megjithëse luan në kategorinë e dytë të Zvicrës është një talent mjaft i mirë që mund t’i hyjë në punë kombëtares së Kosovës në futboll U-21.
Andi kishte nënshkruar edhe për Juventusin në gushtin e vitit 2016, por megjithëse ekzistonte opsioni për blerjen e lojtarit, ekipi i madh torinez nuk e kishte shfrytëzuar atë.
Golshënuesi më i mirë te ekipi i Lausanne është boshnjaku Turkes për këtë sezon që ka shënuar 17 gola, ndërkohë që Zeqiri ka qenë mjaft i mirë me 12. /Periskopi
