6 orë më parëKë e ndihmon gabimi katastrofal i djeshëm në Premier Ligë?
Periskopi(6 vite më parë)
(6 vite më parë)Në ndeshjen e parë të rifillimit të Premier Ligës së Anglisë ka ndodhur një gabim absolutisht tmerrues ku u dëmtua rëndë Sheffield United-i i Chris Wilderit. Portieri i Aston Villas Orjan Nyland në minutën e 42 e kapi topin keq dhe e futi qartas brenda kornizës së portës, por gjyqtari Michael Oliver nuk dha sinjalin […]
Portieri i Aston Villas Orjan Nyland në minutën e 42 e kapi topin keq dhe e futi qartas brenda kornizës së portës, por gjyqtari Michael Oliver nuk dha sinjalin se goli ishte shënuar. Ai bëri me gisht kah ora e dorës që kishte Teknologjinë e Vijës së Portës që automatikisht i tregonte kur topi e kalonte vijën.
Sipas asaj ore, topi nuk e kishte kaluar vijën. Ndeshja përfundoi 0-0 dhe Sheffield United mori vetëm 1 pikë dhe jo 3 sa i takonin, shkruan Periskopi.
Teknologjia në fjalë ka kërkuar falje për skandalin, duke thënë se ndodh vetëm një herë në nëntë mijë raste.
As sistemi i VAR-it nuk ka ndërhyrë, ndërsa as referi anësor nuk e ka parë topin brenda portës.
Por, kush përfitoi nga ky ‘dështim teknologjik’?
Nëse do të fitonte, Sheffield United do të shkonte në kuotën e 46 pikëve me gjasa reale për Europa League e madje edhe për vendin e katërt që çon në Champions League.
Ekipi modest i Chris Wilder është befasia më e këndshme e këtij sezoni në Premier Ligë, pasi vetëm vitin e kaluar ishte në kategorinë e dytë të futbollit anglez.
Nga ky gabim pa dyshim ka përfituar Chelsea që mbetet në vend të katërt me katër pikë më shumë se Sheffield United. United po ashtu mbeti një pikë përpara. Ndërkohë që ekipet e tjera të mëdha si Tottenham Hotspur dhe Arsenal mbetën vetëm 3 dhe respektivisht katër pikë larg “The Blades”.
