41 minuta më parëFutbollisti i Arsenalit u infektua para ndeshjes me City
Periskopi(6 vite më parë)
(6 vite më parë)Një lojtar i Arsenalit ka rezultuar pozitiv me COVID-19 para ndeshjes me Manchester Cityn e cila u luajt para 5 ditësh, raporton Metro.uk. Performancat e dobëta të Arsenalit pas rifillimit të sezonit të Premier League mund të jenë rezultat i përgatitjeve jo të duhura, me tre lojtarë që janë detyruar të mos i vazhdojnë stërvitjet […]
Një lojtar i Arsenalit ka rezultuar pozitiv me COVID-19 para ndeshjes me Manchester Cityn e cila u luajt para 5 ditësh, raporton Metro.uk.
Performancat e dobëta të Arsenalit pas rifillimit të sezonit të Premier League mund të jenë rezultat i përgatitjeve jo të duhura, me tre lojtarë që janë detyruar të mos i vazhdojnë stërvitjet dhe të karantinohen pasi një bashkëlojar me të cilin kishin kontakt të ngushtë doli i infektuar.
Topçinjtë kanë regjistruar vetëm humbje që nga rikthimi i Premier League, së pari duke u mposhtur 3-0 në Etihad në mesjavë para se të mundeshin 2-1 kundër Brighton të shtunën.
Vetëm disa ditë më parë, Arsenali u informua nga Premier League se një nga lojtarët e tyre kishte rezultuar pozitiv për koronavirus dhe kishte nevojë të izolohej për shtatë ditë – duke u lënë jashtë nga ndeshja me Cityn.
Si për t’i shtuar më shumë telashe situatës, lojtari në fjalë kishte kaluar mjaft kohë së bashku me tre shokët e tij të skuadrës për t’u kualifikuar si ‘kontakt i ngushtë’, domethënë duhej të karantinoheshin për 14 ditë.
