Fillojnë planet në Premier League për t’i rikthyer fansat në stadiume, ja kur mbushen tribunat

Derisa ligat profesionale tashmë kanë filluar t’u rikthehen fushave, koncepti i kthimit të fansave nëpër tribuna ende duket të jetë muaj – nëse jo një vit – larg, transmeton Periskopi.

Sidoqoftë, me shtete si Polonia, Rusia dhe Hungaria që së shpejti pritet t’i hapin dyert për fansat me numër të kufizuar, ka hapësirë të jemi optimistë.

Spanja, Italia dhe Gjermania së shpejti pritet të marrin hapa të ngjashëm për fansat, derisa futbolli anglez poashtu po shkon në drejtim të njejtë.

Sipas “Independent”, Departamaneti i Sportit po mendon t’i rikthejë fansat nëpër stadiume qysh në vjeshtë, me planet që tashmë kanë filluar të përpilohen.

Idea është që të ofrohet siguri financiare edhe për klubet që bëjnë gara nëpër divisione më të ulëta. /Periskopi.com/