E ardhmja është e ndritur: Orges Bunjaku në mesin e top talentëve zvicëran

Këtë edicion ai që ka rënë më së shumti në sy është 18 vjeçari Orges Bunjaku, i cili po shkëlqen në elitën e futbollit zviceran.

Mediumi i famshëm zviceran ‘bluewin.ch’ ka publikuar talentët më të mëdhenj të Superligës zvicerane në kuadër të serisë Telecub ‘Rising Stars’, listë në të cilën bënë pjesë edhe Bunjaku, shkruan Periskopi.

Verën e kaluar, zvicerano-kosovari ishte bashkuar në skuadrën e FC Basel U21.

Bunjaku bëri debutimin e tij në fanellën kuqezi në shkurt dhe, arritja e shpejtë është akoma surreale për të: “Unë ende nuk mund ta besoj që jam në një ekip së bashku me lojtarët që unë i kam pasur model”, tha Bunjaku.

Fjalët e mira për kosovarin nuk i kurseu as trajneri Koller, i cili madje foli me optimizëm për të ardhmen e Bunjakut duke thënë se ai e ka personalitetin e atillë për t’u bërë dirigjent.

“Ai e di cfarë do  dhe përpiqet ta zbatojë këtë në trajnim”.

“Ai ka personalitetin për të udhëhequr një ekip”, tha trajneri Koller.

Përndryshe, Bunjaku ka berë në total 3 paraqitje për Baselin dhe një asistim./Periskopi.com/