Meçi Joshua-Pulev paralajmërohet se mund të zhvillohet me shikues në stadium

Anthony Joshua mund të mbrojë titujt e tij para tifozëve të tij edhe pse koronavirusi është ende i prezent.

Kampioni i peshave të rënda në boks do të përballej me Kubrat Pulevin në stadiumin e Tottenham Hotspurit në muajin qershor, por ajo u anuluar shkaku i pandemisë botërore.

Por, meçi ishte anuluar dhe parashikohej se ai nuk mund të zhvillohej në Britaninë e Madhe dhe do të ishte me dyer të mbyllura.

Por, promovuesi i AJ, Eddie Hearn nuk e ka përjashtuar mundësinë që lufta mes dy boksierëve të zhvillohet në vendlindjen e kampionit dhe të ketë tifozë të pranishëm.

“Ne jemi duke punuar që të zhvillojmë përballjen në mes të AJ dhe Pulevit, mirëpo ajo nuk do të jetë në kapacitetin që ka stadiumi i Tottenhamit”, ka thënë ai.

“Prioriteti ynë është që ai të mbahet në Britaninë e Madhe. Do të ishte një gjë e madhe për tifozët të ishin të pranishëm, pasi ka shumë interesim”, ka shtuar Hearn më tej.

Hearn shpreson që boksi të rikthehet në muajin korrik dhe tifozët të jenë prezent në këtë përballje mjaftë interesante.