Festa e çuditshme në distancë e Salzburgut pasi fitoi Kupën tregon çka e pret Liverpoolin në PL

Premier League tashmë është konfirmuar se do të rikthehet më 17 qershor.

Dhe, duke supozuar se gjithçka do të shkojë sipas planit, Liverpooli do ta ngritë titullin e Premier Leagues, transmeton Periskopi.

“Të Kuqtë” aktualisht kryesojnë me 25 pikë më shumë se përcjellësi më i afërt, kur kanë mbetur edhe nëntë ndeshje për t’u luajtur.

Atyre u duhen vetëm dy fitore për t’i dhënë fund pritjes 30-vjeçare pa titull në kampionat.

Sidoqoftë, rregullat pas pandemisë nënkuptojnë se klubi nga “Merseyside” do të duhet ta festojë titulin në një mënyrë krejt tjetër nga ajo që jemi mësuar.

Lojtarëve nuk u lejohet të festojnë së bashku dhe duhet t’i respektojnë rregullat e distancës sociale.

Liverpooli do të festojë në një stadium tjetër, jo në “Anfield”, që natyrisht se do të jetë i zbrazët.

Sigurisht se do të jetë një eksperiencë jo shumë e këndshme.

Në fakt, Salzburgu na ka dhënë një shembull perfekt mbrëmë se çka e pret Liverpoolin kur ta fitojë trofeun.

Skuadra austriake mbrëmë fitoi Kupën e ligës, pasi shkatërroi Austria Lustenaun 5-0 me Albert Vallçin që luajti për 90 minuta, dhe festoi në një mënyrë mjaft të çuditshme.

Shikoni më poshtë. /Periskopi.com/

Here’s what a socially distanced trophy lift looks like. pic.twitter.com/NHVmFQSrPl

— MUNDIAL (H) (@MundialMag) May 30, 2020