4 orë më parëFederer është sportisti më i paguar në botë
Periskopi(6 vite më parë)
(6 vite më parë)Tenisti Roger Federer është sportisti më i paguar në botë për vitin 2020, pasi pandemia COVID-19 e ka rrëzuar futbollistin Lionel Messi nga pozita e parë. Lista vjetore e Forbes është publikuar të premten. Ylli i tenisit nga Zvicra, Federer, ka fituar 106,3 milionë dollarë në 12 muajt e fundit, duke përfshirë 100 milionë përmes […]
Tenisti Roger Federer është sportisti më i paguar në botë për vitin 2020, pasi pandemia COVID-19 e ka rrëzuar futbollistin Lionel Messi nga pozita e parë. Lista vjetore e Forbes është publikuar të premten.
Ylli i tenisit nga Zvicra, Federer, ka fituar 106,3 milionë dollarë në 12 muajt e fundit, duke përfshirë 100 milionë përmes marrëveshjeve reklamuese. Federer ka përparuar katër pozita dhe është bërë i pari i sportit të tij që del në krye të listës.
Futbollistët Cristiano Ronaldo (105 milionë dollarë), Messi (104) dhe Neymar (95.5) si dhe basketbollisti amerikan LeBron James (88,2) zënë vend në pesëshen e parë.
“Pandemia e koronavirusit ka bërë që të ketë ulje të pagave për yjet e futbollit, Messi dhe Ronaldo, duke hapur rrugën që një tenist të renditet si sportisti më i paguar në botë, për herë të parë”, ka thënë Kurt Badenhausen, redaktor në Forbes.
Japonezja Naomi Osaka (37,4 milionë dollarë), që renditet e 29-ta në listë, tejkaloi tenisten tjetër Serena Williams (36 milionë dollarë) si sportistja më e paguar në botë. Osaka dhe Williams janë të vetmet në listë.
Basketbollistët dominojnë në 100 më të paguarit. Janë 35 basketbollistë në listë. Futbolli amerikan zë 31 vende. Në listë janë 14 futbollistë, tenisi i ka gjashtë vende, boksi dhe MMA-ja nga pesë, golfi katër, motoçiklizmi tre dhe bejsbolli dhe kriketi nga një.
