Fansat të ‘irrituar’ me Gareth Bale: ‘Kur më fishkëllojnë 80, 000 njerëz sepse nuk kam luajtur mirë më humb vetëbesimi’

Sulmuesi i Real Madridit, Gareth Bale zbulon se ai disa herë e ka humbur vetëbesimin në fushë, kjo për arsye të fishkëllimave të turmës në stadiumin Santiago Bernabeu.

“Ne kemi shumë presion në çdo ndeshje, nëse nuk luani mirë të bëhet ekspertizë”, tha Bale, përcjell Periskopi.

“Më ka ndodhur shumë herë të më fishkëllojnë 80, 000 njerëz në stadium sepse nuk kam luajtur mirë, nuk është aspak ndjenjë e mirë”, shtoi më tutje Bale.

Për dallim nga Anglia, tifozët në Spanjë shprehin pakënaqësinë e tyre duke fishkëlluar, dhe pse ndodh kjo Bale nuk e ka kuptuar kurrë.

“Nëse nuk keni shfaqje të mirë në fushë, tifozët duhet të përpiqen të ndihmojnë t’ia dalësh më mirë, kjo do t’i lumturonte edhe ata”

“Por ata e bëjnë të kundërtën. Ata fishkëllojnë, gjë që për pasojë ju bën të ndiheni më keq, ju humb vetëbesimin, luan më keq dhe më pas kjo i bën ata edhe më të mërzitur.”

Kujtojmë që pritjet kanë qenë gjithmonë të larta për Bale në Madrid, por dështimi i tij sikur u lidh me largimin e Cristiano Ronaldos në vitin 2018 dhe, kjo si duket irritoi edhe tifozët e ‘Los Blancos’./Periskopi.