E vendosën përballë Milot Rashicës, reagon ashpër Arbër Zeneli

Një krahasim që iu është bërë dy yjeve të Përfaqësueses së Kosovës, Milot Rashicës dhe Arbër Zenelit, ka sjellë reagime nga ky i fundit.

Në një faqe në rrjetin social “Instagram”, lexuesit janë pyetur se cilin nga dy lojtarët e Kosovës, Milot Rashicën e Arbër Zenelin, e kanë të preferuar.

Me rastin e etiketimit, Zeneli e ka parë këtë postim dhe ka reaguar përmes profilit zyrtar të tij në këtë rrjet social.

Sipas tij, anëtarit të Reimsit nuk i bëhet vonë se çfarë postohet në rrjete sociale, por se ka u ka bërë thirrje njerëzve që mos të krijojnë urrejtje mes futbollistëve të Kosovës, pasi do të ndikonte tejet negativisht në fushën e lojës.

Arbëri tutje shton se secili futbollist i kombëtares “verdhë e kaltër” do ta kishte të pamundur t’i tregonte aftësitë me top pa ndihmën e bashkëlojtarëve.