disa sekonda më parëArbër Zaimi i VV-së i mëshon Avdullah Hotit me tepih 5300 euro
Periskopi(6 vite më parë)
(6 vite më parë)Anëtari i Vetëvendosjes, Arbër Zaimi, ka bërë një goditje politike ndaj mandatarit të LDK-së për formimin e Qeverisë, Avdullah Hotit duke i përmendur një tepih prej 5300 eurosh për të cilin kishte raportuar Periskopi muaj më parë. Periskopi kishte publikuar një artikull në mes të muajit shkurt për të treguar mbi një porosi të çuditshme […]
Periskopi kishte publikuar një artikull në mes të muajit shkurt për të treguar mbi një porosi të çuditshme që ishte bërë nga Qeveria Kurti. Në atë kohë, ishte porositur një tepih me çmim 5 mijë e 300 euro, porosi që siç duket më vonë është anuluar.
Sipas Arbër Zaimit të VV-së, porosia në fjalë nuk ka ndodhur nga ndonjë anëtar i partisë së tij në Qeveri, por nga hiç më pak se Avdullah Hoti, në atë kohë zëvendëskryeministër i parë i Qeverisë Kurti.
Zaimi thotë se ky ishte vendimi i dytë i Hotit në Qeveri, “menjëherë pasi zaptoi tërë katin e tretë të ndërtesës së Qeverisë.”
Akuza për ‘zaptimin’ e gjithë katit të tretë të ndërtesës së Qeverisë, Hotit i ishte bërë edhe nga zv.kryeministri i dytë, Haki Abazi – duke sjellur kështu në vëmendjen publike për herë të parë ndarjen e hapësirës në ndërtesë nga qeveritarët e Kosovës.
Hoti nuk është marrë asnjëherë me këto akuza por Periskopi do të mundohet që të mësojë të vërtetën për rastin. /Periskopi
