Agjenti për Periskopin: Muriqi marrëveshje me Fenerbahcen deri më 2023 por e ka opsionin e largimit

Sulmuesi shtatlartë i Kombëtares “Dardane” ka treguar formë fantastike me Fenerbahcen në Super Ligë, duke shënuar 13 gola në 25 paraqitje në kampionat, shkruan Periskopi.

Forma e tij e mirë ka nxitur interesim nga klube të njohura evropiane.

Periskopi ka kontaktuar sot me agjentin e ish-yllit të Lirisë së Prizrenit, Haluk Canatar, për ta pyetur rreth këtyre spekulimeve, derisa ai ka konfirmuar për Redaksinë tonë se ka marrë oferta nga Italia, Anglia dhe Spanja.

Për më tepër ai tha se kontratë me Fenerbahcen deri në vitin 2023, por e ka opsionin e largimit.

“Muriqi dhe Fenerbahçe ka një kontratë që vazhdon deri në vitin 2023, kështu që unë do të doja të deklaroja që Vedat ka të drejtë të përdorë iniciativën për transferimin në një klub tjetër”, u shpreh Canatar.

Kjo nënkupton se 26-vjeçar e ka opsionin e largimit para përfundimit të kontratës. /Periskopi.com/