3 orë më parëUEFA e FIFA po i djegin me themel lojtarët: Nuk ka pushim për ta tri vite rresht
Periskopi(6 vite më parë)
(6 vite më parë)Kalendari futbollistik botëror nuk ishte përgatitur për një ngjarje të tillë si koronavirusi. Lufta që ka nisur prej vitesh mes UEFA-s dhe FIFA-s për të dominuar panoramën botërore të futbollit do të arrijë kulmin në vitin 2021. Shtyrja e kampionatit Europian për në vitin 2021 sfidon hapur idenë e FIFA-s për të organizuar Botërorin e […]
Kalendari futbollistik botëror nuk ishte përgatitur për një ngjarje të tillë si koronavirusi. Lufta që ka nisur prej vitesh mes UEFA-s dhe FIFA-s për të dominuar panoramën botërore të futbollit do të arrijë kulmin në vitin 2021.
Shtyrja e kampionatit Europian për në vitin 2021 sfidon hapur idenë e FIFA-s për të organizuar Botërorin e Klubeve, i cili ishte planifikuar në qershor-korrik në vitin 2021. Por zhvillimi i Europianit do të sjellë ndryshime të tjera, të cilat i takojnë FIFA-s. Pasojat që do të sjellë janë shumë të rënda në aspektin ekonomik sepse FIFA ka firmosur një kontratë multimilionere me Kinën, e cila do të ishte vendi organizator dhe do të kërkojë që zbatohet me përpikmëri kontrata e firmosur sepse janë në lojë miliona euro.
Ndryshimet në kalendar- Por konflikti, i cili në duke është ekonomik dhe për ccështje egosh, sigurisht që ka një problem shumë të madh: Futbollistët. Lojtarët nuk janë makineri dhe do të ngrenë zërin përmes sindikatave. Ngjeshja e kalendarit dhe organizimi i disa eventeve të rëndësishme në një kohë të shkurtër do të prekë fillimisht lojtarët.
Futbollistët e ligave kryesore do ta përfundojnë shumë vonë këtë sezon, i cili parashikohet të shkojë deri në korrik. Pastaj do të kenë shumë pak kohë për të pushuar dhe për të rinisur kampionatin e ardhshëm. Duke qenë se do të luhet Europiani, duhet që kampionatet të fillojnë në gusht për të përfunduar në kohën e duhur dhe për t’i lënë vend turneut kontinental. Shumë pak ditë për pushime…
E njëjta histori do të përsëritet në vitin 2022, ku do të luhet Botërori i klubeve me shumë skuadra, cicc e ka planifikuar FIFA. Ky kompeticion do t’i pengojë që të kenë verën të lirë për të pushuar. Duhet të kujtojmë që në muajin nëntor të vitit 2022 do të organizohet edhe Botërori i Katarit 2022. Mund të themi se disa futbollistë do të detyrohen të luajnë 3 kampionate pa pushim, duke qenë se do të ketë mes tyre kompeticione shumë të rëndësishme. Një ngarkesë e madhe e kalendarit vendos sërish në betejë dy institucionet FIFA dhe UEFA.
