U shndrrua në njeriun më të urryer në Serbi me gjestin e fundit – më në fund thyen heshtjen ylli i Real Madridit

Luka Jovic ka kërkuar falje pasi theu rregulloren e vetëizolimit në Serbi, me sulmuesin e Real Madridit që ka thënë se nuk ka marrë këshillat e duhura.

Jovic u rikthye në Serbi pasi u anulua sezoni në La Liga, për shkak të përhapjes së pandemisë së koronavirusit, transmeton Periskopi.

Madridi është në karantinë totale, pasi një lojtar i ekipit të basketbollit u konfirmua me virusin, derisa numri i rasteve me koronavirus ka shkuar në 18 mijë në Spanjë.

Jovic u kritikua rëndë që udhëtoi në këto kushte nga Spanjë për në Serbi, madje edhe nga politikanët si Ana Brnabic dhe Vuciq.

Përmes një postimi në Instagram, Jovic tash është munduar të shpjegohet.

“Pasi situata në vendin tonë dhe botë është shumë e rëndë, kam ardhë për ta përkrahur popullin tim,” ka shkruar Jovic.

“Fillimisht, më vjen shumë keq që jam tema kryesore këto ditë dhe vazhdimisht po shkruhet për mua, jo për heronjtë e kësaj krize, doktorët dhe stafi mjekësor.

“Kur isha në Spanjë, dola negativ për koronavirus kështu që vendosa të vij në Serbi për të ndihmuar popullin tim dhe të jem afër familjes, në pajtim me zyrtarët.

“Kur aterova në Serbi, përsëri dola negativ për koronavirus.

“Situatë shumë e pafat për mua që disa njerëz nuk e bënë punën në mënyrë profesionale dhe nuk më dhanë këshillat e duhura si të sillem në vetëizolim.” /Periskopi.com/