Superliga në Kinë pritet të fillojë më 18 prill

Federata e Futbollit të Kinës pritet të marr vendim që edicioni 2020 i Superligës së Kinës të fillojë më 18 prill, pas reduktimit të madh të rasteve të prekura me koronavirus.

Edicioni i ri i kampionatit në Kinë është dashur të fillojë më 22 shkurt, por është pezulluar pa afat për shkak të gjendjes së rëndë të krijuar nga përhapja e koronavirusit. Koronavirusi së pari është paraqitur në Kinë, vend që ka marrë masa të ashpëra në luftë ndaj këtij virusi.Me situatën e përmirësuar dukshëm në javët e fundit është bërë e ditur se kampionati i futbollit do të fillojë shpejtë, raporton Daily Mail. Shumica e klubeve të Superligës kineze ishin larguar nga vendi pas përhapjes së koronavirusit, duke përfshirë edhe Guangzhou Evergranden, që u vendos në Dubai për kamp përgatitor.

Skuadra Wuhan, që është nga qyteti ku koronavirusi kishte epiqendrën, u vendos në Spanjë. Për shkak të gjendjes së rëndë në Wuhan, skuadra me të njëjtëin emër u detyrua të qëndrojë shumë më gjatë në Spanjë.

Ndërkohë koronavirusi u përhap në gjithë botën dhe Wuhani ka vlerësuar se më mirë të kthehet në shtëpi se të qëndroj në Spanjë.

Situata megjithatë nuk është shumë e thjeshtë. Autoritetet kineze kanë thënë se njerëzit që kthehen nga vende tjera duhet të futen në karantinë prej 14 ditësh.