9 orë më parëRugani: ‘Shpresoj që rasti im t’i bëjë njerëzit që të kuptojnë seriozitetin e situatës’
Periskopi(6 vite më parë)
(6 vite më parë)Mbrojtësi i Juventusit, Daniele Rugani ka treguar se është duke u shëruar me sukses nga koronavirusi. Reprezentuesi i Italisë ishte lojtari i parë në Serie A që u prek nga koronavirusi. Rugani ka thënë të hënën se shërimi po ec mirë, ndërsa shpreson që rasti i tij ka nxitur ligën që të pezullojë kampionatin. “Po […]
Reprezentuesi i Italisë ishte lojtari i parë në Serie A që u prek nga koronavirusi. Rugani ka thënë të hënën se shërimi po ec mirë, ndërsa shpreson që rasti i tij ka nxitur ligën që të pezullojë kampionatin.
“Po ndjehem mirë, dua të sigurojë të gjithë për këtë. Gjithnjë jam ndjerë mirë, nuk kam pasur ndonjë simptomë serioze”, ka thënë Rugani (25) për Juventus TV.
“E konsideroj veten me fat, ndërsa ishte shokuese pasi isha i pari në Serie A. Unë po ndjehem mirë dhe shpresoj që rasti im ishte i vlefshëm për të bërë njerëzit që të kuptojnë seriozitetin e situatës”, ka thënë futbollisti.
Sipas tij ishte shokuese situata për shkak të vëmendjes së madhe të mediave. Ai ka treguar se shumë njerëz i kanë shkruar brenda pak minutave.
“Do të kaloj këtë, të gjithë do ta bëjmë. Le të shpresojmë për një fillim të ri të suksesshëm”.
Italia është në karantinë për shkak të përhapjes së madhe të koronavirusit. Ndeshjet e futbollit janë pezulluar, ndërsa ka shumë opsione që diskutohen për të ardhmen.
