Presidenti i këtij shteti refuzon ta ndërprejë futbollin: Pezullimi i futbollit nuk ndalon përhapjen e koronavirusit

Presidenti i Brazilit, Jair Bolsonaro ka dalë kundër vendimit për ta pezulluar futbollin në vend, transmeton zeri.info

Federata Braziliane e Futbollit vendosi ta pezullojë kampionatin për shkak të përhapjes së koronavirusit.

Por, sipas Bolsonaros, pezullimi i futbollit rrit histerizmin tek njerëzit, gjë kjo që nuk është në interesin e tij, ndërsa shton se duheshin marrë masa të tjera alternative.

“Ndër të tjera, histerizmi rritet në vend kur ndalon futbolli dhe kjo është një gjë që nuk e dua. Ky vendim ishte i gabuar. Mund të ishin marra masa të tjera alternative dhe duhet patur parasysh se pezullimi i futbollit nuk ndalon përhapjen e virusit,” u shpreh presidenti i Brazilit.