Për Periskopin flet për herë të parë pasi doli pozitiv në testin për koronavirus lojtari i Kombëtares së Kosovës

Ky lajm pastaj u konfirmuar edhe nga Federata e Futbollit të Kosovës, e cila doli me një prononcim zyrtar duke e dhënë lajmin e hidhur.

Mustafa, sulmues te Hannoveri, u këshillua që të bënte testin nga vetë klubi, derisa rezultatet fatkeqësisht nuk ishin ato që shpresonte ai.

Me t’u konfirmuar me pandeminë, Mustafa u izolua së bashku me tërë klubin, si dhe familjen e tij – ndaraz kuptohet.

Periskopi ka kontaktuar me Mustafën, i cili ka thënë se është i vetmi që ka dalë pozitiv në mesin e bashkëlojtarëve.

“Më dhëmbin fyti, koka dhe gjoksi,” ka thënë Mustafa për Redaksinë tonë.

“Nuk jam aq mirë po ishalla Zotit ia dal.”

I pyetur nëse ndonjë bashkëlojtar tjetër apo zyrtar te klubi ka dalë pozitiv, ai ka shtuar:

“Jo, vetëm unë. Klubi dhe familja janë izoluar komplet.

“Nuk po muj me ditë si e kam marrë virusin.”

Mustafës i dëshirojmë shërim të shpejtë dhe rikthimin në fushat e futbollit shëndoshë e mirë. /Periskopi.com/